Ekadasi Yogam

ശിവപഞ്ചകം,ശിവതാണ്ഡവം എന്നിവ ശിവക്ഷേത്രത്തില്‍ ശാന്തി ഉണ്ടായിരുന്നപ്പോള്‍ എഴുതിയവ ആണ്. നല്ല കവിതകള്‍ പലതും അച്ചടി മാധ്യമങ്ങള്‍ തിരസ്കരിച്ചതില്‍ ഉണ്ടായ വിഷമം മൂലം ആനുകാലിക പ്രസിദ്ധീകരണങ്ങള്‍ക്ക്  സൃഷ്ടികള്‍ കൊടുക്കാതെ ആയി. എന്നാല്‍ രചന ആരും അറിയാതെ തുടര്‍ന്നു. ഈശ്വരാര്‍പ്പണ  ബുധ്യാ.   നല്ല രീതിയില്‍ അച്ചടിച്ച കാര്‍ഡുകള്‍  ഭക്തന്മാര്‍ക്ക് നല്‍കുക എന്ന ഒരു രീതി ഞാന്‍ സ്വീകരിക്കാന്‍ ഇടയായിട്ടുണ്ട്. അതൊരിക്കലും ആര്‍ക്കും ദോഷമാവുമെന്നറിയാതെ! 

Shiva Panchakam

ശിവപഞ്ചകം വായിച്ച് ആസ്വാദനം അറിയിച്ച എല്ലാവര്‍ക്കും നന്ദി.

അറിയിപ്പ് 

ക്ഷമാപണത്തോടെ ഒരു കാര്യം അറിയിക്കട്ടെ. 

സഹൃദയ സുഹൃത്തുക്കള്‍ ശിവ പഞ്ചകത്തില്‍ വൃത്തഭംഗം ചൂണ്ടിക്കാണിച്ച തിനാല്‍ ചില    വാക്കുകള്‍ മാറ്റി എഴുതാന്‍ ഇടയായി. അന്തിമരൂപം ദയവായി സ്വീകരിക്കുക.

Good-contacts.html 

Shiva Panchakam -Review

ഞാനൊരു സംസ്കൃത പണ്ഡിതനല്ല. സംസ്കൃതത്തില്‍ ചില കവിതകള്‍ എഴുതിയിട്ടുണ്ട്.  അത് എന്റെ ഗുരുനാഥന്‍ ശ്രീ സ്വപ്രഭാനന്ദ സ്വാമികളുടെ കാരുണ്യഫലം ആണ്.  സ്വാമികളുടെ ശിക്ഷണം എനിക്ക് ലഭിച്ചത് തന്നെ വളരെ വൈകിയാണ്. അതും തുടക്കത്തിലേ മുടങ്ങി.

ഒരു ശിവക്ഷേത്രത്തില്‍ ശാന്തിക്കാരന്‍ ആയിരിക്കെ എഴുതിയതാണ് ശിവപഞ്ചകം. ശിവതാണ്ഡവം എന്നിവ. "അരസികേഷു കവിത്വ നിവേദനം ശിരസി മാ ലിഖ മാലിഖ മാലിഖ" എന്ന് ബ്രഹ്മാവിനോട് പ്രാര്‍ഥിച്ച കവിയെ അനുസ്മരിക്കട്ടെ. ഭക്തരില്‍ ഒരാള്‍ പോലും ഒരു അഭിപ്രായവും പറഞ്ഞില്ല.

തിരുമേനിമാര്‍ കവിത എഴുതുന്നത്‌ ശരിയല്ല എന്നെങ്ങാനും അവര്‍ തീരുമാനം എടുത്തിട്ടുണ്ടാവുമൊ? കലയും സാഹിത്യവും ഒക്കെ തരികിട പരിപാടികള്‍ ആണെന്നും തിരുമേനിമാര്‍ പത്രം വായിക്കുന്നത് പോലും ശരിയല്ലെന്ന് വിശ്വസിക്കുന്ന  ഭക്തരെ അറിയാം. ഇവരൊക്കെ മനുഷ്യര്‍ തന്നെയോ? അവരുടെ കാര്യങ്ങള്‍ തീരുമാനിക്കാന്‍ അവകാശം അവര്‍ക്കാണെങ്കില്‍ മറ്റുള്ളവരുടെ കാര്യങ്ങള്‍ തീരുമാനിക്കാന്‍ ഇവര്‍ക്ക് എന്തവകാശം? ...

അവരെ നല്ല യജമാനന്മാര്‍ ആയി കാണാന്‍ കഴിഞ്ഞില്ല. അവരുടെ ഇടയില്‍ നിന്നും രക്ഷിക്കണം എന്നായി പിന്നത്തെ പ്രാര്‍ത്ഥന. പരമശിവന്‍ അത് കേട്ടു. ശാന്തി വേണ്ട എന്ന് വച്ചപ്പോള്‍ അതു വലിയ കുറ്റമായി. ഭക്ത ജനങ്ങളോടുള്ള  സൌഹാര്‍ദ്ദങ്ങള്‍ എല്ലാം അവയുടെ അളവിലും തൂക്കത്തിലും  അധികവും വിരോധം ആയി മാറി. ഇഹലോകത്തില്‍ ഒന്നും ശാശ്വതമാല്ലല്ലോ. ഈശ്വരന്‍ ഒഴികെ. 

സംസ്കൃതം പ്രയോഗിക്കുമ്പോള്‍ ചെറിയ തെറ്റ് വന്നാല്‍ പോലും വലിയ ദോഷങ്ങള്‍ വരും എന്ന ചൊല്ല് വളരെ ശരി ആണെന്ന് എനിക്ക് ബോധ്യമായി. മള്ളിയൂര്‍ ആചാര്യന്‍ ആണ് ഈ കവിതയിലെ തെറ്റ് രണ്ടാം വരിയിലേത് ആദ്യമായി ചൂണ്ടി കാണിച്ചത്. തുടര്‍ന്ന് തിരുത്തിയതും വേണ്ടത്ര ശരിയായിരുന്നില്ല. വൃത്തഭംഗം ഉണ്ടായിരുന്നു. ബ്ലോഗില്‍ വന്നത് കൊണ്ട് അത് തിരുത്താന്‍ അവസരം ലഭിച്ചു. 

സമ്യഗ് പ്രണവസഹിതമുക്ത്വാ ചാഥ സൂര്യഗായത്രീ: എന്നാണു ഒടുവില്‍ തിരുതിയിട്ടുള്ളത്. 

Shiva Panchakam - part 3

Shiva Panchakam - part 2

സമര്‍പ്പണം, ഫലശ്രുതി എന്നിവ അടക്കം മൂന്നു ശ്ലോകങ്ങള്‍ കൂടി ഉണ്ട്. അവ നാളെ.

മണി വാതുക്കോടം 2:39pm Jan 12 നമസ്ക്കാരം. ശിവപഞ്ചകം അസലായിട്ടുണ്ട്.  രണ്ടാം ശ്ലോകത്തിന്റെ അർത്ഥം എഴുതിയതിൽ ചേറിയ മാറ്റം വരുത്തിയാൽ നന്നാവുമെന്ന് തോന്നുന്നു. - 'സർപ്പശ്രേഷ്ഠനെ കഴുത്തിൽ ധരിച്ചവനും, ശരീരമാസകലം ഭംസമം ധരിച്ചവനും, വിജനമായ സ്മശാനത്തിൽ വിലസുന്നവനും, ഉയർന്ന പർവ്വതത്തിൽ അധിവനുക്കുന്നവനും, പ്രണമികുന്നവരായ ജനങ്ങൾക്ക് വിധേയനായുള്ളവനും, സർവ്വമംഗളപ്രദനായുള്ളവനും('ശങ്കരം' എന്നവാക്കിന്റെ അർത്ഥം ഉദ്ദേശിച്ചാണിത് ചേർത്തത്), ധ്യാനത്തിൽ ലയിച്ചിരിക്കുന്നവനും, കാലകാലനുമായ ഭഗവാനെ എല്ലാക്കാലവും ഞാൻ വിഭാവനം ചെയ്യുന്നു.'   മൂന്നാം ശ്ലോകത്തിന്റെ അർത്ഥം എഴുതാൻ വിട്ടുപോയിട്ടുണ്ട്.  അത് ചേർക്കുവാൻ താൽപ്പര്യപ്പെടുന്നു. ഓം നമഃശിവായ...

നിരൂപണത്തിന് നന്ദി മണീ,

ഞാന്‍ സംസ്കൃതത്തില്‍ ഒന്നുമല്ല. കേവലം ഒരു കൊല്ലം മാത്രം പഠിച്ചു. അതൊക്കെ പറഞ്ഞാല്‍ ഇവിടെ നില്‍ക്കില്ല. എന്‍റെ ക്ഷേത്രാനുഭവങ്ങള്‍ പള്ളിക്കൂടം അനുഭവങ്ങള്‍ ഗൃഹാനുഭവങ്ങള്‍ ഒക്കെ ബ്ലോഗിങ്ങിനു പറ്റിയവ ആണ്. 20 സംസ്കൃത ശ്ലോകങ്ങളില്‍ ആത്മ കഥ എഴുതിയിട്ടുണ്ട്.  അവയെ മെയിന്‍ സ്ട്രീമില്‍ വിവരിക്കുവാന്‍ തല്‍ക്കാലം ഉദ്ദേശം ഇല്ല. സല്ക്കഥകള്‍ അനവധി ഉണ്ടല്ലോ.

മൂന്നാം ശ്ലോകം ലളിതമെന്നു കരുതി വിവരണം ഒഴിവാക്കിയതാണ്. രജതം എന്നാല്‍  വെള്ളി. രജതഗിരി - വെള്ളിമല. വെള്ളം ജടാന്തേ ബിഭ്രാണം വെള്ളിമാമല വിഗ്രഹം എന്നൊക്കെ ഇല്ലേ? വെള്ളിമല പോലെ വെളു വെളുത്ത് പര്‍വത സദൃശനായ ശരീരം ഉള്ളവനും , പാര്‍വതീപതിയും കുലീനന്‍ - കുലീനത്വം - ഉന്നതകുലഗുണങ്ങള്‍ ഉള്ളവനും, ഉപരി - സര്‍വോപരി- എല്ലാത്തിനും മുകളിലായി - ശിരസ്സിലെ ജടാമകുടത്തില്‍ എന്നര്‍ത്ഥം, സലിലഗംഗാം - സലില രൂപിണി ആയ ഗംഗയെ - ഗംഗാജലത്തെ-  സര്‍വദാ ധാരയന്തം -എല്ലായ്പ്പോഴും  ധരിക്കുന്നവനും, അധിക നയനവന്തം- മറ്റുള്ളവരേക്കാള്‍ ഒരു കണ്ണ് അധികം ഉള്ളവനും വരേണ്യനും വാമദേവനും ആയ ഭഗവാനെ മനസ്സില്‍ സകലകാലവും വിചാരിക്കുന്നു.

പഞ്ചകത്തിന്‍റെ  ആലാപനം റെക്കോര്‍ഡ്‌ ഉണ്ട്. പണ്ട് ട്രയല്‍ നോക്കിയതാണ്. ഓര്കസ്ട്ര ഒന്നും കേമമല്ല. എന്നാലും ചുമ്മാ കേള്‍ക്കാം Shivapanchakam (previous version)

Shiva Panchakam -1

That's    God's Stone  

updated on 15.1.13

രണ്ടാമത്തെ വരിയില്‍ കല്ല്‌ കടിക്കുന്നു എന്ന് "യോഗക്ഷേമ സഭ" അറിയിച്ചതിനെ തുടര്‍ന്ന് പരിഷ്കരിച്ച  പതിപ്പ്.

പ്രസ്തുത രണ്ടാമത്തെ വരി പിന്നെയും ഒന്ന് മിനുങ്ങി. കാലം വരുത്തിയ മാറ്റം. ആര്യ ശബ്ദത്തിനു പകരം മംഗളകരമായ  അഥ ശബ്ദം വരുമ്പോള്‍ ഒന്നുകൂടി നന്നാവും എന്ന് തോന്നുന്നു. നോക്കൂ. "പ്രണവസഹിതമുക്ത്വാ ചാഥ സൂര്യഗായത്രീ:" വൃത്തം മാലിനി. നനമയ യുഗമെട്ടില്‍  തട്ടണം മാലിനിക്ക്. 

പോരാ. പ്രണവ സഹിതമുക്ത്വാ സൂര്യഗായത്രമന്ത്രം!!

കുറിപ്പ്

നല്ല തിരുവാതിര ആശംസിച്ച എല്ലാര്‍ക്കും നന്ദി.

തിരുവാതിര ദിവസമായ ഇന്നലെ എല്ലാംകൊണ്ടും പുണ്യ സുദിനം തന്നെ ആയിട്ട് അനുഭവപ്പെട്ടു. എങ്കിലും പതിവുപോലെ ബ്ലോഗ്‌ അപ്ഡേറ്റ് ചെയ്യുന്നതിന് ഇന്ന് സാധിക്കാതെ വരുന്നതിനാലാണ് ഈ കുറിപ്പ് ഇടുന്നത്.

വിചാരം ഒരു പ്രക്രിയ ആണ്. അതിനു ശാന്തിയുമായി ബന്ധം ഉണ്ടാകണം എന്നില്ല. സദ്വിചാരത്തിലൂടെ മാത്രമേ ശാന്തിയിലേക്ക് ചെന്നെത്താന്‍ സാധിക്കൂ. ഇന്നത്തെ ക്ഷേത്രചര്യ പലപ്പോഴും കഠിനമാണ്.  അത് നീതിയുക്തമോ ശാസ്ത്രീയമോ അല്ലാതെ ആയിരിക്കുന്നു.  താത്ത്വികമായി ഉണ്ടായിരുന്ന അടിത്തറ ഇളക്കുന്നതിലല്ലേ ഭക്ത പരിവേഷമുള്ള പലര്‍ക്കും കൌതുകം എന്ന് തോന്നുന്നു.

ഈ വിഷയക്തില്‍ ശക്തമായ അഭിപ്രായ വ്യത്യാസം എനിക്ക് തോന്നാറുണ്ട്. പക്ഷെ ആരോട് പറയാന്‍............... ., എങ്ങനെ പറയാന്‍? ലോകരുമായി സംവദിക്കുന്നതിനു ഇങ്ങനെ എങ്കിലും ഒരു മാര്‍ഗം കാണിച്ചു തന്നതില്‍ ഞാന്‍ ഭഗവാനോട് നന്ദി പറയട്ടെ.

മിനിയാന്ന് ഒരിക്കലും ഇന്നലെ ഉപവാസവും ആയിരുന്നു. അതുകൊണ്ട് മാത്രമല്ല കഠിനമായ ക്ഷേത്രചര്യ കളാണ് ബ്ലോഗിങ്ങിനു തടസ്സം ആകുന്നത്. കുറെ അധികം എഴുതണം എന്ന് ഇപ്പോള്‍ തോന്നുന്നുണ്ട്. പക്ഷെ മണി 5 ആകാറായി. ശാന്തിക്ക് പോവാറായി. പോയി വന്നിട്ട് നോക്കാം. ഓം നമ: ശിവായ.