ഇപ്പോള്‍ നിലവിലുള്ള ക്ഷേത്രാചാരങ്ങള്‍ അധികവും സമീപകാലത്ത് രൂപം കൊണ്ടവയാണ്. പലതും പൂര്‍വ ആചാരങ്ങള്‍ക്ക് വിരുദ്ധവും. നാട്ടുകാരുടെ സുഖസൌകര്യങ്ങള്‍ക്ക് ഊന്നല്‍ നല്‍കി ഉണ്ടാക്കിയവ. ശുദ്ധമായ വൈദിക താന്ത്രിക താല്പര്യങ്ങള്‍ക്ക് എതിരെ ദുരാഗ്രഹികളും വര്‍ഗവിദ്വെഷികളും അടിചെല്പിച്ചവ.
ക്ഷേത്രാചാരങ്ങളെ പരിഷ്കരിക്കുക വഴി മഹാന്‍ ആയി സ്വസമുദായതാല്‍ ആദ്യം അംഗീകരിക്കപ്പെട്ട വ്യക്തി ആയിരുന്നു മന്നത്ത് പദ്മനാഭന്‍. അമ്പലങ്ങളില്‍ പായസവും മറ്റും ദൈവങ്ങള്‍ തിന്നുന്നില്ലെന്നും ഉണ്ണിയപ്പവും പല്പായസവും മറ്റും ദൈവത്തിന്റെ പേരില്‍ ഉണ്ടാക്കുന്നത്‌ ഇല്ലങ്ങളിലേക്ക് കടത്താന്‍ ആണെന്നും ആക്ഷേപിച്ചുകൊണ്ട് മഹാക്ഷേത്രങ്ങളില്‍ പടിത്തരം വെട്ടിച്ചുരുക്കിയ ആചാരപരിഷ്കാരം നടപ്പാക്കിയതില്‍ പിന്നെയാണ് സ്വസമുദായം അദ്ദേഹത്തെ വില വച്ച് തുടങ്ങിയത്. അതുവരെ മഹാക്ഷേത്രങ്ങളില്‍ അഞ്ചുപൂജയും ശീവേലിയും നിത്യേന ഉണ്ടായിരുന്നു. പല ദേവസ്വങ്ങളും വേണ്ടാത്ത ചെലവ് എന്ന് കണ്ടു അവ നിര്‍ത്തലാക്കി. അതോടെ ക്ഷേത്രജീവനക്കാരില്‍ പകുതിപ്പെരുടെ പണി പോയി. കീഴ്ശാന്തിയുടെ ജോലികൂടി മേശാന്തിയുടെ തലയില്‍ ആയി. മേശാന്തിക്ക് പണി കിട്ടുകയും ചെയ്തു.
അദ്ദേഹത്തിന്റെ പിന്‍ഗാമികളും അതെ പാത തെന്നെയാണ് പിന്തുടരുന്നത്. അബ്രാഹ്മണര്‍ക്കും ശാന്തിക്കാരാവാം എന്ന വിധി ഇന്ത്യയില്‍ ആദ്യമായി കേരള ഹൈകോടതി 1996 ല്‍ പ്രഖ്യാപിചപ്പോള്‍ അതിനെ സ്വാഗതം ചെയ്ത പ്രസ്ഥാനം ആണ് NSS. അന്ന് അതിന്റെ Jen.Sec. ആയിരുന്ന ശ്രീ N. ഭാസ്കരന്‍ നായര്‍ ദേവസ്വം ബോര്‍ഡിന്റെയും presi. ആയിരുന്നു. താന്ത്രികവിധിയെക്കള്‍ കോടതി വിധിയെ മാനിക്കുന്നു എന്നായിരുന്നു അദ്ദേഹത്തിന്റെ പ്രസ്താവന.
ബോംബെ പോലെ ആകാതെ കേരളത്തില്‍ സമാധാന അന്തരീക്ഷം നില നിര്‍ത്തുന്നതില്‍ നമ്പൂരിമാരുടെ ക്ഷമയും ജീവിതരീതിയും ചിന്താഗതിയും പാരമ്പര്യവും എന്നും മാതൃകാപരം ആയിരുന്നിട്ടുണ്ട്. അത് അവകാശപ്പെടാന്‍ ഇഷ്ടപ്പെടാത്തത് അവരുടെ മഹത്വം. അത് മുതലെടുത്തു തലയില്‍ കയറി ആളു കളിക്കുന്നത് മറ്റുള്ളവരുടെ.. എന്ത് പറയണം ?. അതാണ്‌. ബുദ്ധിമോശം എന്ന് പറയട്ടെ.
ഏതുവിധേനയും ബ്രാഹ്മണരെ ഒതുക്കേണ്ടത് അന്യമതസ്ഥരുടെ എന്നതിലും അധികം സ്വന്തം മതത്തിലെ മറ്റു സമുദായങ്ങളുടെ പൊതുവായ ആവശ്യം ആയി. ക്ഷേത്രനടത്തിപ്പുകാര്‍ക്ക് തന്ത്രിമാരെക്കാള്‍ വലുത് ജഡ്ജിമാര്‍ ആണെങ്കില്‍, സര്‍വത്ര വ്യാപകമായിട്ടുള്ള വര്‍ഗ അവജ്ഞകള്‍ കണ്ടില്ലെന്നു നടിച്ചു ബ്രാഹ്മണര്‍ എന്തിനു പൌരോഹിത്യം ചുമക്കണം? എന്തുകൊണ്ട് ഒരു കൂട്ട മതംമാറ്റത്തെക്കുറിച്ച് ചിന്തിച്ചുകൂടാ? മതം ഏതായാലും മനുഷ്യന്‍ നന്നായാല്‍ പോരെ? ലോകത്തില്‍ മറ്റു ഒരു മത പുരോഹിതര്‍ക്കും ശാന്തിക്കാരുടെ അത്ര കഷ്ടപ്പാട് ഇല്ല. അത്ര അധികം ത്യാഗം സഹിക്കെണ്ടാതായും ഇല്ല. അത്ര അധികം ശകാരങ്ങള്‍ കേള്‍ക്കെണ്ടാതായും ഇല്ല.
കേരളത്തിലെ ഭരണകൂടവും, മാധ്യമങ്ങളും, സാംസ്കാരിക പ്രസ്ഥാനങ്ങളും, വിവിധ ഹിന്ദുമത സംഘടനകളും ഒന്നാം നമ്പര്‍ കുറ്റവാളികള്‍ ആയിട്ടാണ് "ജാതി ബ്രാഹ്മണരെ" കാണുന്നത്. ബ്രാഹ്മണര്‍ ജാതി ആചരിക്കുന്നത് കൊണ്ടാണ് മറ്റുള്ളവരും അങ്ങനെ ചെയ്യുന്നത് എന്ന് കരുതുന്നവരാണ് കേരളത്തിലെ അറിയപ്പെടുന്ന പല സന്ന്യാസിമാരും. മറിച്ചു ചിന്തിച്ചാല്‍ അറിയപ്പെടുകയില്ലല്ലോ!
ഗത്യന്തരം ഇല്ലാഞ്ഞിട്ടാണ് ഇന്ന് അധികം നമ്പൂരിമാരും ശാന്തി ചെയ്യുന്നത്. ക്ഷേത്രം അവരെ സഹിക്കുന്നതും ഗതികേടുകൊണ്ട് തന്നെ. ഇങ്ങനെ ഗതികേടിനു ചെയ്യുന്ന ശാന്തിയെക്കാള്‍ ഭേദമാണ് ശാന്തിവിചാരം. ഒരുവര്‍ഷത്തെ ബ്ലോഗിങ്ങിലൂടെ അത് തെളിഞ്ഞു.
എഴുത്തും ഒരു ഉത്തരവാദിത്തപ്പെട്ട ജോലി തന്നെ. കൂലിക്കാരുണ്ടോ ജോലിയുടെ മാഹാത്മ്യം അറിയുന്നു! വായാടികളായ കൊസ്രാക്കൊള്ളികള്‍ മിണ്ടാന്‍ പേടിക്കുന്ന വിഷയങ്ങള്‍ പുഷ്പംപോലെ എടുത്തിട്ടു കൊണ്ടാണ് "ശാന്തിവിചാരം" കളിക്കുന്നത്. അതാണ്‌ എന്റെ പൂജ. എനിക്ക് പൂജിക്കാന്‍ അമ്പലം വേണ്ടാ.
അമ്പലങ്ങള്‍ക്കു ബ്രാഹ്മണരെ വേണ്ടാ എങ്കില്‍ ബ്രാഹ്മണര്‍ക്ക് അമ്പലങ്ങളും വേണ്ടാ എന്ന് ഉറക്കെ പറയാന്‍ കഴിയണം. പറഞ്ഞാല്‍ പോര, പ്രവൃത്ത്യാലും തെളിയിക്കണം. അന്തസ്സോടെ ചെയ്യാന്‍ കഴിയുന്നവയാണ് ഇന്ന് ഇതൊഴികെ മറ്റെല്ലാ തൊഴിലുകളും.
