Friday 8 February 2013

Double Headed Organisation


ഗുരുവിനേക്കാള്‍ കേമന്‍ ആയ ശിഷ്യന്‍, ശ്രീനടേശഗുരുവിനു പ്രണാമം 
With the readers' bless, editing this page,
ധ്രുവങ്ങള്‍ തമ്മിലുള്ള അകലം ആണ് പ്രസ്തുത അഭിപ്രായങ്ങള്‍ തമ്മില്‍ ഉള്ളത്.  ഒരാള്‍ പറഞ്ഞതിന് നേരെ വിപരീതം പറയുന്നതിനെ തിരുത്തല്‍ എന്ന് വിളിച്ചാല്‍ മതിയോ? മറിക്കല്‍ ആണ് അത്. തട്ട് മറിക്കല്‍, അട്ടിമറിക്കല്‍ എന്നൊക്കെയും പറയാം. എന്തായാലും ഇങ്ങനെ മറിച്ചപ്പോള്‍ ആണ് അത് ശരിയായത്. ആദ്യം തെറ്റായിരുന്നു എന്നല്ലേ അതിനര്‍ത്ഥം? 

ആശാന്‍ പറഞ്ഞതിന് എതിര് പറഞ്ഞു വലിയ ആളായി തിളങ്ങിയിട്ടുള്ള ഒരു ശിഷ്യന്റെയും ചരിത്രമോ ഐതീഹ്യം പോലുമോ ഇല്ല.  അതിനാല്‍  ഇതത്ര ചെറിയ സംഭവം അല്ല. ഇത് കണ്ടില്ല എന്ന് നടിക്കേണ്ട ഗതികേടില്‍ ആണിന്നു സാംസ്കാരിക കേരളം.  അല്ല, അങ്ങനെ ഒന്നുണ്ടോ എന്നതും സംശയം.  ഈ ജ്ഞാനപീഠക്കാര് നായകന്മാര് ഒന്നുരണ്ടു പേര് ഇല്ലേ  കേരളത്തിന്‌? ഒരു കുറുപ്പും ഒരു നായരും. പരമോന്നത പുരസ്കാരം ഏതായാലും കിട്ടി. ഇനി മിണ്ടാതെ ഇരുന്നാല്‍ അതാവും ബുദ്ധി + ലാഭം എന്ന് അവര്‍ കണക്കു കൂട്ടിയിരിക്കും! 

ഇപ്പോള്‍ സുകുമാര്‍ അഴീക്കോട് ഉണ്ടായിരുന്നെങ്കില്‍ എങ്ങനെ പ്രതികരിക്കുമായിരുന്നു? ശ്രീ നാരായണ ഗുരുവിനു തുല്യമായ തലത്തിലേക്ക് നടേശന്‍ മുതലാളി ഉയര്‍ന്നു എന്നോ അതോ വെള്ളാപ്പള്ളിയുടെ തലത്തിലേക്ക് ഗുരുവിനെ ഇടിച്ചു താഴ്ത്തി എന്നോ? ഒരിക്കല്‍ വെള്ളാപ്പള്ളിയെ എതിര്‍ത്ത വകയില്‍  അഴീക്കോട് കുറെ അനുഭവജ്ഞാനം സമ്പാദിച്ചിട്ടുണ്ട്. മുഖ്യമന്ത്രിയും ജനങ്ങളും ഒക്കെ മുതലാളിയെ തുണയ്ക്കുക ആയിരുന്നു. 

എന്തായാലും രണ്ടാളെയും ഒരു നുകത്തില്‍ കെട്ടുന്ന ഫോട്ടോ കൊള്ളാം.  എനിക്ക് രണ്ടാമത്തെ ആളിനോടാ കൂടുതല്‍ ബഹുമാനം.  അദ്വൈതി ആയി അറിയപ്പെടുന്ന  ഈഴവ ശിവന്‍റെ സ്രഷ്ടാവിനെ അല്ല. സ്വന്തം ജന്മ സംസ്കാരത്തെ വെറുക്കാന്‍ മറ്റുള്ളവരെ പഠിപ്പിച്ച ഗുരുവിനെ മുന്‍ നിര്‍ത്തിക്കൊണ്ട് അതിനു നേരെ വിപരീതം പറഞ്ഞു സ്വന്തം ജാതിയെ സ്നേഹിക്കാന്‍ ഒരു വിഭാഗത്തെ പരസ്യമായി ഉത്ബോധിപ്പിക്കുന്ന  ശ്രീ നടേശഗുരുവിനെ ഞാന്‍ നമിക്കുന്നു. ഗുരുവിന്റെ  അദ്വൈത ജാട പൊളിച്ച ശിഷ്യന് പ്രണാമം. 

വെള്ളാപ്പള്ളിയും ഗുരുവും തമ്മില്‍ വിപരീത ആശയം ആണെന്നത് ഇങ്ങനെ പരസ്യം ആയ സ്ഥിതിക്ക് അവരുടെ സമുദായം എടുക്കുന്ന നിലപാട് എന്താവും എന്നറിയാന്‍ കേരളം എത്ര കാത്തു. ശക്തമായ ഒരു എതിര്‍പ്പ് പോലും ഒരിടത്ത് നിന്നും  ഉയര്‍ന്നിട്ടില്ല. എന്തായാലും ഒന്ന് ഉറപ്പിക്കാം. വെള്ളാപ്പള്ളിക്ക് തന്നെ അവിടെയും ഭൂരിപക്ഷം. മറിച്ചുപറഞ്ഞാല്‍, ഭൂരിപക്ഷം അവിടെയും വെള്ളാപ്പള്ളിക്ക് തന്നെ.

ഇതില്‍ കൂടുതല്‍ എഴുതി ഒരു സഹോദര സമുദായത്തിന്റെ ക്ഷമ പരീക്ഷിക്കാന്‍ തല്‍ക്കാലം ഇല്ല. :) എന്തായാലും നിരവധി വിദ്യാ ഭ്യാസ സ്ഥാപനങ്ങള്‍ നടത്തുന്ന അവരുടെ സംഘടനയോട് മനസാ ചോദിച്ചു പോകുന്നു എളിയ സംശയം : Howmany heads  you have? ശ്രീ നടേശധര്‍മപരിപാലന യോഗം ആയി മാറിയാലും  SNDP എന്ന പേര് സാങ്കേതികമായി നിലനില്‍ക്കും. 
Note: This is the continuation of a previous post

Thursday 7 February 2013

ആശങ്കകള്‍ക്ക് ആശംസകള്‍!


Dr.Go.Kri. compares Thanthris with IG of Police. Good. What is the official rank of an IG of Police? What is their remuneration? Think. Suppose  the customers are behaving in rude manners before them. and their payment is not decent engouh to say. Then can we blame an I.G. for bribe? 
പുണ്യ പുരാതനമായ തന്ത്രിക- വൈദിക  വിധികളെ വിദ്വേഷാത്മകവും വ്യവസായപരവും രാഷ്ട്രീയ ചായ്മാനങ്ങള്‍ ഉള്ളവയുമായ  ജനകീയകോടതി വിധികള്‍ ഉപയോഗിച്ച് അട്ടിമറിക്കുന്നവര്‍ക്ക് ലഭിക്കുന്ന സ്വാഭാവികമായ തിരിച്ചടി. ഒറ്റപ്പെട്ട ന്യൂനപക്ഷം ആയ നമ്പൂരിയെ അടിച്ചിറക്കി വരുമാനം ഉള്ള ക്ഷേത്രങ്ങള്‍ പിടിച്ചടക്കാനുള്ള NSS തന്ത്രം. സുകുമാരന്‍ നായര്‍ക്കു പറ്റിയ വക്കീല്‍ ! 
ബന്ധപ്പെട്ട ഗോക്രിപ്രസംഗത്തിന്റെ ലിങ്ക്  തന്ത്രിമാരോട് 
ഇതോടു അനുബന്ധിക്കാവുന്ന ഒരു പഴയ  പോസ്റ്റ്‌    So Called Brahmin

Monday 4 February 2013

ഭാരതീയശാസ്ത്രചിന്തയുടെ വ്യാപ്തി (2)

ഭാരതീയശാസ്ത്രചിന്തയുടെ വ്യാപ്തി എന്നതായിരുന്നു ഇന്നലത്തെ ബ്ലോഗിന്റെ തലക്കെട്ട്‌. എത്ര ഗഹനമായ വിഷയം.  എന്നാല്‍ ആ വിഷയത്തെക്കുറിച്ച് പറയാതെ സമൂഹം രാഷ്ട്രീയം, ക്ഷേത്രം, ചരിത്രം തുടങ്ങിയ ഇതര വിഷയങ്ങളിലേക്ക് തൂലിക പാളിപ്പോവുകയാണോ എന്നൊരു പരിഭവം ഒരു മാന്യ സുഹൃത്ത് ഇന്നലെ ചോദിച്ചു. 

ഏതു വിഷയം എഴുതിയാലും അതിലൊക്കെ ക്ഷേത്രവിഷയം കടന്നു വരുന്നതായും അത് അസഹ്യം ആവുന്നതായും ആ നിരീക്ഷകന്‍ ഭംഗ്യന്തരേണ സൂചിപ്പിച്ചു. അദ്ദേഹത്തോടുള്ള നന്ദി ആദ്യമായി അറിയിക്കട്ടെ. അതോടൊപ്പം മറ്റൊരു കാര്യം കൂടി.  ഇത്തരം കമന്റുകള്‍ chat box ലൂടെ ആക്കേണ്ടിയിരുന്നില്ല. ബ്ലോഗിന്റെ comment window തന്നെയാണ് ഉത്തമം. 

ഒരുപാട് കമന്റുകള്‍ ഫേസ് ബുക്ക്‌ ലിങ്ക് പോസ്റ്റുകളില്‍ കിട്ടാറുണ്ട്. ആദ്യമൊക്കെ അവ ബ്ലോഗില്‍ പേസ്റ്റ് ചെയ്യുമായിരുന്നു. പിന്നെ ആ പരിശ്രമം മുടങ്ങി. ഇയ്യിടെ തുടക്കം മുതല്‍ സമഗ്ര റിവ്യൂ നടത്തി വന്നപ്പോള്‍ ആണ് അതിന്റെ നഷ്ടം അനുഭവപ്പെട്ടത്. അന്യത്ര കിട്ടുന്ന പ്രധാന കമന്റുകളുടെ ലിങ്കുകള്‍ എങ്കിലും ബ്ലോഗില്‍ ഇടണം എന്ന് ധാരണ ആയിട്ടുണ്ട്‌.

ഇനി മറുപടി. ഇന്നലത്തെ ബ്ലോഗ്‌ ആ ദിശയില്‍ എന്റെ ആദ്യത്തെ ശ്രമം ആണ്.  ഇമേജ് പോസ്റ്റ്‌ ആകയാല്‍ one page എന്നൊരു space target ഉണ്ട്. ഇതുപോലെ running text ആണെങ്കില്‍ എഴുതുമ്പോള്‍ നീണ്ടു പോകുന്നത് അറിയില്ല. ആ വിഷയം അതിന്‍റെ പരിധിയില്‍ conclude ചെയ്യാന്‍ ആയില്ല എന്നേയുള്ളൂ. അത് ഉടനെ തന്നെ ചൂണ്ടിക്കാണിച്ചതിനു നന്ദി. വീണ്ടും വായിച്ചു എഡിറ്റ്‌ ചെയ്യാന്‍ ഉള്ള സൌകര്യത്തിനു ആണ് പേജ്മേക്കറില്‍ ടൈപ്പ് ചെയ്യുന്നത്. 

ഭാരതീയശാസ്ത്രം എന്ന് തുടക്കത്തില്‍  ഉദ്ധരിച്ചിട്ടു അവിടുന്ന് രാഷ്ട്രീയത്തിലേക്കും ശാന്തിയിലെക്കും കൂപ്പുകുത്തി എന്ന് വായനക്കാര്‍ക്ക് തോന്നുക സ്വാഭാവികം ആണ്. ഇതിനു കാരണം അവര്‍ വിലയിരുത്തുന്നത് ശാസ്ത്രം വേറെ, സാഹിത്യം വേറെ, രാഷ്ട്രീയം വേറെ ക്ഷേത്രം വേറെ, ശാന്തി വേറെ എന്നൊക്കെ ഇങ്ങനെ ചിന്തയെ  ഭിന്നിപ്പിക്കുന്ന ആധുനിക ധാരണകള്‍ വെച്ചാണ്. എന്നാല്‍ ഭാരതീയ ശാസ്ത്രം എന്നത് ധര്‍മ്മബദ്ധം ആണ്. ധാര്‍മികത ആണ് അതിന്റെ integral part അഥവാ അവിഭാജ്യ ഘടകം. സാങ്കേതികത രണ്ടാമത് മാത്രം. ഇന്നത്‌ നേരെ തിരിഞ്ഞു. കേവലം സാങ്കേതികതയെ ആണ് പലരും ശാസ്ത്രം എന്ന് വിവക്ഷിക്കുന്നത്. അതാവട്ടെ സത്യധര്‍മ്മ നിരപേക്ഷവും.  

ഹിന്ദുമതം എന്ന് പറയുന്നതിലും ഉചിതം ഹിന്ദുധര്‍മം എന്ന പ്രയോഗമാണ്. ധര്‍മം എന്ന വാക്കിനോട് പോലും വിരോധം ഉള്ളത് കൊണ്ടാവാം അഭിപ്രായം എന്ന അര്‍ത്ഥമുള്ള മതം എന്ന വാക്ക് അതിനു പകരമായി ഉപയോഗിക്കുന്നത്! 

പറഞ്ഞു വന്ന കാര്യം, അതായത് സാഹിത്യവും, കലയും, സമൂഹവും രാഷ്ട്രീയവും ക്ഷേത്രവും എല്ലാം ഭാരതീയ ശാസ്ത്ര സങ്കല്‍പ്പത്തിന്റെ പരിധിയില്‍  വരുന്നതാണ്. അത്രത്തോളം വ്യാപ്തം ആണ് അത്. വിശാലവും ആണ്. വ്യക്തം ആയോ? 

ഇവയൊന്നും പരസ്പര ബന്ധമില്ലാത്തവ ആണെന്ന് വരുത്തേണ്ടത് മുഖ്യമായും ഭരണകൂടത്തിന്റെ താല്പര്യം ആണ്. Divide and Rule Strategy. ജനങ്ങള്‍ ഭരണക്കാര്‍ ആവുമ്പോള്‍ മറ്റു ജനങ്ങളും ആ വഴിക്ക് ചിന്തിക്കുന്നു. അതുകൊണ്ട് ശാസ്ത്രം ശാസ്ത്രം അല്ലാതെ ആവുന്നില്ല! 

ശാസനം ചെയ്യുക എന്നാല്‍ ആധികാരികം ആയി ഭരിക്കുക തന്നെ ആണ്. ശാസനം ചെയ്യുന്നതു എന്താണോ അതാണ്‌ ശാസ്ത്രം. ഈശ്വരന്‍ പോലും നിശ്ചിത ശാസ്ത്രതത്വങ്ങള്‍ക്ക് വിധേയന്‍ അല്ലെ? അതല്ലേ ദൈവശാസ്ത്രങ്ങളുടെ മഹത്വം. ദൈവ ശാസ്ത്രം എന്നതിനു പാശ്ചാത്യര്‍ theology എന്ന് പറയും. തന്ത്രശാസ്ത്രം അതേ സമയം ദൈവശാസ്ത്രവും ജീവന്റെ മോക്ഷശാസ്ത്രവും ആണ്. അതിനെ ഉപയോഗിക്കുന്ന ഹിന്ദുക്കള്‍ അതിനു വില കല്‍പ്പിക്കുന്നില്ല. അവര്‍ക്ക് അതിലും വലുത് ആണ് Economics ഉം Politics ഉം 

ശാന്തിവിഷയം വിരസം ആയി തോന്നുന്നത് ഒരുപക്ഷെ പല ബ്ലോഗിലും വന്നിട്ടുള്ള വസ്തുതകളുടെ ആവര്‍ത്തനം കൊണ്ടാവാം. അല്ലെങ്കില്‍ ശാന്തി വിഷയം ശാന്തിക്കാരുടെ സ്വകാര്യ വിഷയം ആയും, അത് തങ്ങള്‍ക്കു അറിയേണ്ടതില്ല എന്ന ധാര്‍ഷ്ട്യം ഹിന്ദു എന്ന് കുന്തിച്ചു നടക്കുന്ന ജന്തുക്കള്‍ക്ക് ഉള്ളത് കൊണ്ടുമാകാം. അവര്‍ക്കുള്ള മറുപടി കാലം കൊടുക്കുന്നുണ്ട്. ബ്രാഹ്മണ്യ ധ്വസനം എന്ന രഹസ്യ അജണ്ട എല്ലാ ഹിന്ദു വിഭാഗങ്ങളും ഉള്ളില്‍ സൂക്ഷിക്കുന്നത് കൊണ്ടല്ലേ  സുകുമാരന്‍ നായരുടെ ആക്ഷേപം ഹിന്ദുസമൂഹവൃത്തങ്ങളില്‍  എതിര്‍ക്കപ്പെടാതെ മുഴങ്ങി മാറ്റൊലി കൊള്ളുന്നത്?  അപ്പോള്‍ അതിനു അതനുസരിച്ചുള്ള ഫലവും വന്നു കൂടേണ്ടതുണ്ട്. ഇല്ലേ?

ശ്രോതാക്കള്‍ അഥവാ വായനക്കാര്‍ കേട്ടു ശ്രദ്ധിച്ചു എന്ന ഒരു തോന്നല്‍ ഉണ്ടാവാത്തത് കൊണ്ടാവാം ആവര്‍ത്തിക്കാന്‍ ഇടയായത്. കേട്ടു ബോധിച്ചതായി എന്തെങ്കിലും സൂചന നല്‍കാന്‍ ആളുകള്‍ മടിക്കുന്നത് എന്തുകൊണ്ടെന്ന് മനസ്സിലാവുന്നില്ല. എന്തായാലും ശരത്തിന്റെ സൂചന ഉചിതമായി. ഒരിക്കല്‍ക്കൂടി നന്ദി.

Sunday 3 February 2013

The Deapth of Indian Sciences

ഈ വിഷയം പൂര്‍ണം ആയിട്ടില്ല. തുടരും.