മറുപടി

പ്രതികരണം ആവശ്യപ്പെട്ട് ഒരു സുഹൃത്ത് അയച്ചു തന്ന മാറ്ററാണിത്.



പ്രതികരണം =  നന്നായി, വളരെ സന്തോഷം.
അബ്രാഹ്മണരും ബ്രാഹ്മണരും തുല്യരാണെന്ന നിയമത്തില് ഹിന്ദുക്കള് വിശ്വസിക്കെ,
ബ്രാഹ്മണാചാരങ്ങളെ ലോകം അവിശ്വസിക്കെ,
അബ്രാഹ്മണരെ പൂജാരികളായി വാഴിക്കെ , (only in Kerala)
ബ്രാഹ്മണരെന്തിന് ക്ഷേത്രങ്ങളില് പോകണം?

ഇതോടൊപ്പം സന്തോഷം പകര്ന്ന മറ്റൊരു മാറ്ററും പോസ്റ്റ് ചെയ്യുന്നു.

അബ്രാഹ്മണനായ ഒരു വ്യക്തി രണ്ടോ മൂന്നോ വൈദിക സൂക്തങ്ങള് പഠിച്ചാല് അവനെ ഒരു വേദപണ്ഡിതനായി ഇന്നത്തെ സമൂഹം, വിശേഷിച്ച് നമ്പൂതിരിമാര് വെച്ചുവാഴ്ത്തും. എന്നാല് വേദം മുഴുവന് പഠിച്ചാലും ഒരുവന് നമ്പൂതിരി ആയിരുന്നാല് സ്വഭാവത്തില് സാധുവും കൂടി ആയിരുന്നാല് പറയുകയും വേണ്ട. അവന് അതുകൊണ്ട് പ്രത്യേകിച്ച് യാതൊരു അഭിവൃദ്ധിയും ഉണ്ടാവണമെന്നില്ല. എന്തെങ്കിലും കാര്യം നേടണമെങ്കില് വേദോപാസന മാത്രം പോരാ, അധികാരികളെ സേവിക്കുക തന്നെ വേണം.

The End

ശാന്തിവിചാരം 
ഇവിടെ പൂര്ണമാവുന്നു.

ഇതുവരെ സഹകരിച്ച എല്ലാവര്ക്കും നന്ദി.

പുതിയ അപ്ഡേറ്റുകള്ക്കായി കാത്തിരിക്കുന്നവരുണ്ടെന്നറിയാം.
പക്ഷെ അത് ഒഴിവാക്കുകയാണ് ഭേദം എന്ന് പഠിപ്പിക്കുന്ന
അനുഭവപരമ്പരകളാണ് എനിക്ക് കിട്ടിക്കൊണ്ടിരിക്കുന്നത്.
ആത്മസംയമനത്തിനുള്ള പരിശീലനത്തിലാണ് ഞാന്.
Nothing more to say than this. :)

Review on 12.10.13
Essential and inevitable pts will be reflected through the tm line. A post about TOL is likely to be a leading thread. 

Temple of Letters

ഷൊര്ണൂരില് ഇരട്ടമ്പലം ശിവക്ഷേത്രത്തില് 22 സെപ്തം.2013 ഞായറാഴ്ച അവതരിപ്പിച്ച അക്ഷരക്ഷേത്രത്തിന്റെ രൂപം. 

യോഗം സംഘടിപ്പിച്ചത് നമ്പൂതിരി എന്ന ഫേസ്ബുക്ക് ഗ്രൂപ്പ്. ഫോട്ടോ എടുത്ത് അപ് ലോഡ് ചെയ്തത് ശ്രീ. ജയന് കവിയൂര്.

എനിക്ക് പറയാനുള്ളതൊക്കെ ഒരുവിധം പറഞ്ഞു കഴിഞ്ഞു. ഇനി നിങ്ങളുടെ സംശയങ്ങള്ക്ക് മറുപടി മാത്രം എഴുതുന്നു. എന്താണ് അക്ഷരക്ഷേത്രം എന്ന ചോദ്യം വിശദീകരണം ആവശ്യപ്പെടുന്നതായി അതവതരിപ്പിച്ച ഫേസ് ബുക്ക് ഗ്രൂപ്പില് കണ്ടു. ഒരു സുഹൃത്തിന്റെ പ്രൊഫൈലില്നിന്നാണ് അതറിഞ്ഞത്. അതിനാല് മറുപടി സ്വന്തം സ്ഥലമായ ഇവിടെ എഴുതുന്നു. 

കണ്ണുകള്ക്ക് ആനന്ദം പകരുന്ന ഒരു ക്ഷേത്രരൂപമാണിത്. ഒരു കലാരൂപം എന്നതിലുപരി ചില സങ്കല്പങ്ങളും ഇതിന് പിന്നിലുണ്ട്. ഈ രൂപം ഒരു മാതൃക എന്നേ ഉള്ളൂ. ഇതിനു മുമ്പും അനവധി മാതൃകകള് ഉണ്ടാക്കിയിരുന്നു. കുറച്ചുകൂടി perfect ആവാനുണ്ട്. ഒരു semifinal form എന്നു പറയാം. 

ഈ വിഷയത്തില് എഴുതിയ പോസ്റ്റുകളുടെ ലിംകുകള് ഇ ബ്ലോഗിലെ Others എന്ന മെനുവില് TOL എന്ന വിഭാഗത്തില് നിന്ന് ലഭിക്കും. വിശകലനങ്ങളൊന്നും തന്നെ പൂര്ണമായിട്ടില്ല എന്നറിയാം. പക്ഷെ അത്രേ പറ്റൂ. കാരണം ഇത് എന്റെ ഇമാജിനേഷന്റെ Hilltop ആണ്. ഈ രൂപം ദര്ശിച്ച്  ഇരിക്കുമ്പോള് മറ്റൊരു ക്ഷേത്രത്തില് പോവണം എന്ന് തോന്നില്ല.  ശക്തമായ പ്രചോദനതരംഗങ്ങള് ഈ രൂപത്തില് നിന്നും സ്വീകരിക്കാന് എനിക്ക് കഴിയുന്നുണ്ട്. മറ്റുള്ളവരുടെ കാര്യം എനിക്കറിയില്ല.

എന്റെ ഇരുപത്തഞ്ചുവര്ഷത്തെ രചനാ പരിശീലനത്തിന്റെ ഉല്പന്നങ്ങളായി അനവധി സാഹിത്യസൃഷ്ടികള് ഇതിനകം രൂപം കൊണ്ടിട്ടുണ്ട്. അവയുടെ നൂറിലൊരംശം പോലും വെളിച്ചം കണ്ടിട്ടില്ല. അതിലെനിക്ക് പ്രയാസമില്ല. കാരണം ഈ രൂപം മാത്രം വെളിച്ചം കണ്ടാല് മതി. എന്റെ സംഭാവനയായി ഇത് മാത്രം അംഗീകരിക്കപ്പെട്ടാല് മതി. 

ബാക്കി എഴുതിയ പേപ്പറുകളെല്ലാം അഗ്നിയില് ആഹുതി ചെയ്താല് ഫലമായി വിശുദ്ധമായ കുറച്ച് ഭസ്മം എങ്കിലും ലഭിക്കും. പ്രസിദ്ധീകരിച്ചാലോ... ചിലര്ക്ക് ഇഷ്ടപ്പെടും. മറ്റു ചിലര്ക്ക് ഇഷ്ടപ്പെടില്ല. ഇഷ്ടപ്പെട്ടവരെക്കൊണ്ട് ഗുണം ഉണ്ടാവണമെന്നില്ല. വിരോധികളെ കൊണ്ട് ഉപദ്രവം ഉണ്ടാകും താനും.  ഇതാണ് എന്നെ ബ്ലോഗ് അനുഭവം പഠിപ്പിച്ച പാഠം. അതുകൊണ്ടും കൂടിയാണ് ഇത് ഉപസംഹരിക്കാന് ശ്രമിക്കുന്നത്.  ചോദ്യകര്ത്താക്കള്ക്ക് നന്ദി.

അക്ഷരക്ഷേത്രത്തെ കുറിച്ച് വിശകലനം ചെയ്യാന് എനിക്ക് സാധിക്കാതെ വരുന്നു. കാരണം ഒരു ആത്മകഥ എഴുതാന് ഞാനാഗ്രഹിക്കുന്നില്ല. അത്രമേല് ആത്മബന്ധമുള്ള ഒരു കണ്സപ്റ്റ് ആണത്. 

My Last words

മുന് പോസ്റ്റിന്റെ കമന്റ് ബോക്സില് കുറെ അധികം എഴുതി. കുറച്ചുകൂടി ബാക്കിയുണ്ട്. അതിവിടെയാവാം.

ഈ പ്രസിദ്ധീകരണം മുമ്പോട്ടുകൊണ്ടുപോകാന് കഴിയാതെ വരുന്നു. ഇന്നലെ ഫേസ് ബുക്ക് എന്റെ ഫ്യൂസ് ഊരി. കാരണം വ്യക്തമല്ല എങ്കിലും ഊഹിക്കാന് കഴിയും. ആരുടെയെങ്കിലും പരാതി കിട്ടിയിരിക്കാം. അത് ഒരാളുടെയാവാം ഒമ്പത് ആളുടെയും ആവാം. ഒരാള് വിളിച്ചുകൂട്ടിയ യോഗത്തില് ഒമ്പതാളുണ്ടായി എന്നറിഞ്ഞു. അതിനെ തുടര്ന്നാണ് ഈ ദുരന്തം. അതിനെ ഗൂഢാലോചന എന്ന് വിളിച്ചാലതൊരു മഹാ അപരാധമായിത്തീരാം. യോഗത്തെ അവഹേളിക്ക്യേ.. അതും മാന്യവ്യക്തികള് വിളിച്ചുകൂട്ടിയ യോഗത്തെ.. എന്തായാലും മഹാസമ്മേളനത്തിന് ശേഷവും ബ്ലോക്ക് ചെയ്ത വ്യക്തിയില് നിന്ന് നീട്ടിപ്പിടിച്ചെഴുതിയ കമന്റുകള് ബ്ലോഗില് ലഭിച്ചിരുന്നു. അതിലൊന്ന് ഡിലീറ്റ് ചെയ്തു. രണ്ടാമത്തെത് അവിടെയുണ്ട് കാണാം.

എല്ലാവരും ഒരുതരത്തിലല്ലെങ്കില് മറ്റൊരു തരത്തിലുള്ള ദുരന്തത്തിന് വിധേയരാണ്. ഇവിടെ ആരും സുരക്ഷിതരല്ല. രക്ഷിക്കേണ്ട ആള് ഈശ്വരനാണ്. എല്ലാവരേയും രക്ഷിക്കാന് ഈശ്വരന് താല്പര്യമില്ല എന്നാണ് ഹിന്ദുമതം പറയുന്നത്. അധര്മ്മികളെ നിഗ്രഹിക്കാനാണ് ഈശ്വരന് താല്പര്യം എന്നാണല്ലൊ ഹിന്ദുപുരാണങ്ങളെല്ലാം പറയുന്നത്. അതുപോലെ ധാര്മ്മികരെ നിഗ്രഹിക്കാനാണ് അസുരന്മാര്ക്ക് താല്പര്യം. എന്നെ നിഗ്രഹിക്കുന്നത് ആരാണെന്നറിയില്ല. അധ്യാപകവധവും ജഡ്ജ് വധവും ഒക്കെ എഴുതിയ ഞാന് വധ്യനാണെങ്കില് വധിക്കപ്പെടുന്നതില് സന്തോഷമേ ഉള്ളൂ. അതൊരു വാധ്യാരുടെ കൈകൊണ്ടായാല് സന്തോഷമേയുള്ളൂ. 

TOL Demo @ Shornur

ബ്ലോഗിങ് എന്നും എനിക്ക് ലഹരി ആയിരുന്നിട്ടുണ്ട്. ലൈക്കുകളും കമന്റുകളും നോക്കാറുണ്ടെങ്കിലും വായനക്കാരെ വേണ്ടും വിധം പിന്തുടരാന് സാധിച്ചിട്ടില്ല. Mutual follow up ആണ് വേണ്ടത് എന്നറിയുന്നു. അതിനുള്ള മാര്ഗ്ഗം നേരിട്ടുള്ള ഒത്തുകൂടലിന്റേതുമാത്രം ആണ്.

ജീവിതമേ ശാശ്വതമല്ല. അപ്പോള് പിന്നെ ഇ-ജീവിതമോ? I mean life in this virtual electronic world. It is another bubble. പുഴയിലെ ഒഴുകിപ്പോകുന്ന നുരയും പതയും പോലെ....

ഷൊര്ണൂരിലൊരു സൌഹൃദസംഗമം കഴിഞ്ഞു. ആ വിഷയം ബ്ലോഗ് ചെയ്യണമെന്ന് ചിലരാവശ്യപ്പെടുകയും ചെയ്തു. ഇന്നലെ ആ ഗ്രൂപ്പില് അതിനെപ്പറ്റി നീട്ടിയെഴുതി. ഇപ്പൊ നീട്ടിയെഴുത്താണ് താല്പര്യം. ചുരുക്കിയെഴുത്താണല്ലൊ ബ്ലോഗിങ്. രണ്ടും കൂടി വേണോന്നാ... :)

Just mentioning one thing, unavoidable. Temple of Letters presented in the meet. വലിയൊരു കാര്യം സാധിച്ച പ്രതീതി. ധന്യത. പക്ഷെ വേണ്ടത്ര വിശകലനം ചെയ്യാന് സാധിച്ചില്ല എന്ന ഖേദമാണ് കൂടുതല്.. ഇനി വിശകലനകല പരിശീലിക്കാം. പിന്നെ സംഗ്രഹണത്തിന്റെ ആവശ്യമില്ല. അതാ ബ്ലോഗ് നിര്ത്ത്യാലോ എന്നൊക്കെ പറയുന്നത്. വിശകലനത്തേക്കാള് പ്രയാസം സംഗ്രഹണം ആണേ.. ചെലത് അപകടാവ്വേം ചെയ്തു. :)

ഒരുതരം വീര്പ്പുമുട്ടലിലാണിപ്പോ. ആവേശമൊന്നുമില്ല. നിതാന്തമായ നിശ്ശബ്ദതയിലേയ്ക്ക് വഴുതിവീഴുന്നു. യാഗഭൂമിയായ പാഞ്ഞാള് സന്ദര്ശിച്ചതിന്റെ പുണ്യമോ !

2. അക്ഷരക്ഷേത്രം
ഈ ബ്ലോഗിലൂടെ പലതവണ സൂചിപ്പിച്ചിട്ടുള്ള അക്ഷരക്ഷേത്രത്തിന്റെ പുതിയ മാതൃക ഷൊര്ണൂരില് അവതരിപ്പിക്കുന്നതിന് അവസരം ലഭിച്ച വിവരം സസന്തോഷം അറിയിക്കുന്നു. എന്നാല് വേണ്ടതുപോലെ എല്ലാവര്ക്കും മനസ്സിലാക്കാന് പാകത്തിന് വിശകലനം ചെയ്യാനൊന്നും സാധിച്ചില്ല. അതിന് രണ്ടാണ് കാരണങ്ങള്. വിഷയത്തിന്റെ സങ്കീര്ണതയാണ് മുഖ്യകാരണം. പിന്നെ presentation skill പോരാ എന്നതും. എന്തായാലും അതൊരു ചടങ്ങു കഴിക്കല് ആയി. ദൈവികകാര്യങ്ങളധികവും അങ്ങനെ ആണല്ലൊ. അതിന് നല്ല ഉദ്ദേശ്യം ഉണ്ടെങ്കില് നല്ല ഫലം ലഭിക്കും. അതല്ലെങ്കില് മറിച്ചും. ആ ബോധ്യമുണ്ട്.

ഇപ്പോള് തന്നെ നല്ലൊരു ഫലം ലഭിച്ചിരിക്കുന്നു. ഫേസ്ബുക്ക് അക്കൌണ്ട് എങ്ങനെയോ ബ്ലോക്ക് ആയി. എത്രയധികം സമയമാണ് അതിലൂടെ എനിക്ക് ലാഭം കിട്ടിയിരിക്കുന്നത്.. ഹഹഹ. പുതിയത് എടുക്കാന് നോക്കീട്ടും പറ്റുന്നില്ല. ഇത്ര നാളും നല്കി വന്ന ഫേസ്ബുക്കിന്റെ സേവനത്തിന് ഇവിടെ നന്ദി രേഖപ്പെടുത്തുന്നു.


Temple of Letters
The latest version of TOL as presented in Shornur. I was not prepared well enough to demonstrate the subject which is a little complicated, very hard to describe. Especially in a function whose main purpose was something else.

Important Notice
I happened to leave fb for unknown reason. Hacked? unable to take new password. I think God is redirecting me to somewhere else. Wish to leave blog too. Let me leave with pleasure. Thank u all.

To Get Together

ഒരു കാലത്ത് ബ്ലോഗെഴുത്ത് എനിക്ക് ഹരമായിരുന്നു.
ഇപ്പൊ മടുത്തുതുടങ്ങി.
വടി കൊടുത്ത് വാങ്ങണോ..
മിണ്ടാതെ ഇരിക്കുന്നവര്ക്കുമില്ലേ മാന്യത.
എങ്കിലും ചിലരുടെ അന്വേഷണങ്ങളും ആകാക്ഷയും കാണുമ്പോള് വീണ്ടും എഴുതിപ്പോകുന്നു. നിര്ത്താനാവാത്ത ഏതോ ദുശ്ശീലം എന്നപോലെ.

ഞാന് ശാന്തിക്കാരനും മുട്ടുശാന്തിക്കാരനും ഒക്കെ ആയിരുന്ന കാലത്ത് സമൂഹവുമായുള്ള ആശയവിനിമയത്തിന് മറ്റൊരു മാര്ഗ്ഗവും ഇല്ലാതിരുന്ന സാഹചര്യത്തിലായിരുന്നു ശാന്തിവിചാരം ബ്ലോഗ് തുടങ്ങിയത്. എന്നാല് അതില് പോലും ഇതരവിഷയങ്ങളാണ് കൂടുതലായി ചര്ച്ചയ്ക്ക് വച്ചത്. കാരണം ശാന്തിക്കാരുടെ വിഷയം പൊതുതാല്പര്യം ഇല്ലാത്തതാണെന്ന തിരിച്ചറിവു തന്നെ.

കാര്യമായ ചര്ച്ചകള്ക്കൊന്നും പറ്റിയ വേദിയല്ല ബ്ലോഗ് എന്ന തിരിച്ചറിവാണ് എന്നെ ഫേസ് ബുക്കിലേയ്ക്കും ഗ്രൂപ്പുകളിലേയ്ക്കും നയിച്ചത്. അവിടെയും ചര്ച്ചകള് നടക്കുന്നു എന്നല്ലാതെ  അത്ര നിലവാരത്തിലൊന്നും പറ്റുന്നില്ല. ഇതിന് കാരണങ്ങളും പലതുകാണും. സമാനചിന്താഗതിക്കാരുടെ ഇടയിലേ സംവാദങ്ങള് ദൃഢമാകൂ. സൌഹൃദങ്ങള് സ്ഥായിയാകൂ.

വിരുദ്ധ ഭാവം ഉള്ള ആളുമായി സംവദിക്കാന് ശ്രമിച്ചതിന്റെ തിക്തഫലവും ഞാനിപ്പോള് അനുഭവിക്കുന്നുണ്ട്. പേരു പറയാതെ പോലും ആരുടെയും കുറ്റം പറയാന് പറ്റില്ല, പാടില്ല എന്നൊക്കെ ആയിരിക്കുന്നു. അത് എന്നെപ്പറ്റിയാണെന്നും മറ്റും പറഞ്ഞ് ഇതുപോലെ കലശലൂട്ടുന്നവരുണ്ടോ എന്ന് തോന്നിപ്പോകുന്നു. സൌഹൃദങ്ങള് ഊരാക്കുടുക്കുകളായാലോ..

അണ്  ഫ്രണ്ടാക്കിയാലും ബ്ലോക്കിയാലും ഫോണ് കോളും വ്യാജപ്രൊഫൈലും വഴി സമയവും സന്ദര്ഭവും നോക്കാതെ ശല്യപ്പെടുത്തുന്ന ആളിനെതിരെ സൈബര് സെല്ലില് പോവാനുള്ള ഉപദേശങ്ങള് എനിക്ക് ലഭിക്കാഞ്ഞിട്ടല്ല. ക്ഷമ... ക്ഷമ.. ക്ഷമ... അതല്ലേ വജ്രായുധം..

ബ്ലോഗെഴുത്ത്  ആത്മകഥാകഥനത്തിനായി ദുരുപയോഗം ചെയ്യാനാഗ്രഹമില്ല. അതുപോലെ പരദ്രോഹത്തിനായും ഉപയോഗിക്കുന്നതല്ല. എന്നാല് തീരെ സഹികെടുമ്പോള് ചിലതു സൂചിപ്പിക്കാതെ വയ്യ താനും. അതിനുപോലും എന്തൊക്കെയാ ആക്ഷേപങ്ങളുടെ പുകില്.

ഒരു പരാജയത്തില് നിന്ന് അടുത്ത പരാജയത്തിലേയ്ക്കുള്ള 'ജൈത്രയാത്ര' ആയി ജീവിതം പുരോഗമിക്കുമ്പോള് ഉള്ളിലിരുന്നൊരാള് ദൃഢമായ സ്വരത്തില് മന്ത്രിക്കാറുണ്ട്... "ഇത് തോല്വിയല്ല, ജയമാണ്. ഇതാണ് ജയം" എന്ന്. പക്ഷെ അതു പറഞ്ഞാല് നാട്ടുകാര്ക്ക് അംഗീകരിക്കാനാവില്ല. എല്ലാത്തിനും എടുത്തുകാണിക്കാവുന്ന തെളിവ് ഹാജരാക്കണമെന്നാണല്ലൊ.. എത്ര അധികം തെളിവുകള് കാണിച്ചാലും അവിശ്വാസിയുടെ അവിശ്വാസം പിന്നെയും ബാക്കിനില്ക്കും.

പഠനവും ഇന്നൊരു തെളിവ് നിര്മാണ പ്രക്രിയ ആയിരിക്കുന്നു. ഭരണവും വ്യവഹാരങ്ങളെല്ലാം തന്നെ അപ്പടിയാണ്. തെളിവ് നിര്മാണം ഒരു വശത്ത് തെളിവ് നശിപ്പിക്കല് മറുവശത്ത്. ജനാധിപത്യം പരാജയം എന്നതല്ലേ ഇവിടെ തെളിയിക്കപ്പെടുന്നത് എന്ന് പരിശോധിക്കേണ്ടു.

ഒരു തെളിവ് നിര്മാണ പ്രക്രിയയിലായിരുന്നു ഞാനും ഇതുവരെ. നിര്മാണം പൂര്ത്തിയായി എന്നു പറയാറായിട്ടില്ലെങ്കിലും പുറത്ത് കാണിക്കാന് കൊള്ളാവുന്ന ഒരു നിലവാരത്തിലെത്തി. (presentation mode). വസ്തുവിവരണം പറഞ്ഞു മനസ്സിലാക്കാന് ഉണ്ടായ പ്രയാസക്കൂടുതല് മൂലമാണ് രൂപനിര്മാണത്തിന്റെ വഴി നോക്കിയത്.

അക്ഷരക്ഷേത്രത്തിന്റെ (TOL) ഒരു ഡിമോ (മൂന്നാമത്തേത്) നാളെ ഷൊര്ണൂരില് ഒരു ശിവക്ഷേത്ര സന്നിധിയില് നടക്കും. നമ്പൂതിരി (fb) ഗ്രൂപ്പാണ് സംഘാടകര്.   ഈ ക്ഷേത്രശില്പം നിര്മ്മിച്ചിരിക്കുന്നത് പേപ്പറിലാണ്. ഒരു മേശപ്പുറത്ത് വയ്ക്കാവുന്ന വലിപ്പം. വൃത്തശ്രീകോവിലിന്റെ മാതൃക. ALAYAM എന്ന് വായിക്കാവുന്ന ക്രമത്തില് അക്ഷരങ്ങളെക്കൊണ്ടാണ് ഇത് നിര്മിച്ചിരിക്കുന്നത്.

A - മേല്ക്കൂര,
L - Left wall
A- Arch door
Y- Right wall with a serpent,
A- പീഠം
M- സോപാനം.
ആന്തരികഭാഗങ്ങള്: ഉള്ളില് താമരപ്പൂവിന്റെ ആകൃതിയാണ് പീഠത്തിന്. അതിനുള്ളില് അണ്ഡാകാരത്തിലാണ് വിഗ്രഹം. താമരപ്പൂവിന്റെ വിടരാത്ത ഭാഗമായും തോന്നിക്കും.
കലാരൂപം എന്ന നിലയ്ക്കാണ് ഇത് നിര്മിച്ചത് എങ്കിലും കുറച്ച് കാര്യങ്ങളും ഇതിന് പിന്നില് ഇല്ലാതില്ല. എന്നാലവയൊന്നും തല്ക്കാലം പ്രസിദ്ധീകരിക്കാനാവില്ല. ഒരു മൂര്ത്തിസങ്കല്പവും ഇതോടൊപ്പം വളരുന്നുണ്ട്. അതിന്റെ പ്രമാണങ്ങള് അടങ്ങുന്ന പത്രികയില് പതിന്നാല് സംസ്കൃതശ്ലോകങ്ങളാണ് ഉള്ളത്. ഗുരുജനങ്ങള് പരിശോധിച്ച് അനുഗ്രഹിട്ടുള്ളവ. യൂ ട്യൂബില് അതിന്റെ വീഡിയോ ഉണ്ട്. (55view now)

ശാന്തിവിചാരം ഗ്രൂപ്പിനും ഒരു Get Together സംഘടിപ്പിച്ചാലോ..

37439

ഓണാശംസകള്‍!

പ്രിയപ്പെട്ട വായനക്കാരെ,

നിങ്ങള്ക്ക് ശാന്തിവിചാരം ബ്ലോഗിന്റെ  ഊഷ്മളമായ ഓണാശംസകള്‍!

ഒന്നു രണ്ട് കാര്യങ്ങള്  പറയാനാഗ്രഹിക്കുന്നു. ഒരു വിശദീകരണം പോലെ.
നിരീക്ഷകരുടെ എണ്ണം ഏതാണ്ട് ഇരട്ടിയിലധികമായിട്ടുള്ള പുതിയ സാഹചര്യത്തില് കൂടുതലായി എഴുതുന്നതിന് പകരം, തത് വിപരീതമായി ബ്ലോഗ് അപ്ഡേറ്റ് ചെയ്യാത്ത ഒരു സ്ഥിതി ഉണ്ടായി. ഒരു hanging stage ന്ന് വേണെങ്കില് സംശയിക്കാം.  അവിചാരിതമായി, പ്രത്യേകകാരണമൊന്നും കൂടാതെ termination നോട്ടീസും ഒടുവിലിട്ടു.  ഇതൊക്കെ എന്താണ് എന്ന ന്യായമായ സംശയം വരാം. അതിലേയ്ക്ക് ചില സൂചനകള്.

ഗുരുതരമായ ആരോഗ്യപ്രശ്നങ്ങളെ നേരിടുകയായിരുന്നു ഞാന്. അത്യധികമായ രക്തസമ്മര്ദ്ദനിലവാരം. അതെ തുടര്ന്ന് ശാരീരികാസ്വസ്ഥതകള്. അതിനാല് വിശ്രമം അനിവാര്യമായി വന്നു. കാര്യത്തെ വളരെ ലാഘവത്തോടെയാണ് ഞാന് കാണുന്നതെന്ന് കണ്ട ഡോക്ടര് ഒരു നിമിഷത്തേ മൌനത്തിനു ശേഷം പറഞ്ഞത് "താനൊരു അറ്റാക്കിന്റെ വക്കത്താണ് എത്തിനില്ക്കുന്നത്.." എന്നായിരുന്നു.

എന്നാലിനി ആരോടും വിരോധമൊന്നും വേണ്ട. നാമജപത്തിലൂടെ കഴിച്ചൂട്ടാം എന്ന് കരുതി. എന്നാലീ നാമജപത്തിന് ഒരു കുഴപ്പമുണ്ട്. അത് വളരെയധികം ആന്തരികശക്തിയെ പ്രദാനം ചെയ്യും. ശക്തിവന്നാലോ.. നാം വീണ്ടും കര്മോന്മുഖരാവും. ഞാന് തുടങ്ങിവച്ച കര്മ്മമാവട്ടെ പൂര്ത്തീകരിക്കാനായിട്ടുമില്ല.

എതിരാളിയോട് സന്ധിചെയ്യാന് തീരുമാനിച്ചതും. മധ്യസ്ഥനെ നിയോഗിച്ച് വീണ്ടും സൌഹൃദം പുനസ്ഥാപിച്ചതും മണിക്കൂറുകള്ക്ക് ഉള്ളിലായിരുന്നു. പക്ഷെ ഫലമോ... ഉദ്ദേശിച്ചതിന് വിപരീതവും... മൌനത്തെ ഒരു പരാജയമായിക്കണ്ട് ഇതുതന്നെ തക്കം എന്നു കരുതി  ചെയ്തുപോന്നിരുന്ന ഉപദ്രവപരിപാടികള്ക്ക് ആക്കം കൂട്ടുകയുണ്ടായി. ഒന്നിലധികം പ്രൊഫൈലുകളുള്ളവരെ ബ്ലോക്ക് ചെയ്താലും അവര് മറ്റു പ്രൊഫൈലുകളില് നിന്ന് ആക്രമണം തുടരും. സൈബര് സെല്ലില് പരാതി കൊടുക്കാന് നിയമജ്ഞനായ സുഹൃത്ത് ഉപദേശിച്ചെങ്കിലും തല്ക്കാലം ഫേസ് ബുക്കിന് റിപ്പോര്ട്ട് ചെയ്യുക മാത്രമാണ് ചെയ്തത്.

ഇതൊക്കെ സ്വകാര്യമാകയാല് പ്രസിദ്ധീകരിക്കേണ്ടതില്ലെന്നു കരുതി. എന്നാല്
പ്രതിയുടെ ഏതോ കമന്റുകളില് തോന്നിയ ദയനീയത മൂലം മൂന്നാമതൊരാളുടെ മധ്യസ്ഥതയില് സൌഹൃദം പുനഃസ്ഥാപിക്കാന് ശ്രമിച്ചെങ്കിലും പ്രതിയുടെ മനോഭാവം കൂടുതല് വഷളാവുകയാണ് ചെയ്തത് എന്നാണ് അനുഭവമുണ്ടായത്.

ബ്ലോഗ് പൂട്ടിക്കുക എന്നതാണ് അയാളുടെ ലക്ഷ്യമെന്ന് തുടക്കത്തിലേ പ്രസ്താവിച്ചിരുന്നു. ടെര്മിനേഷന് നോട്ടീസ് പ്രസിദ്ധീകരിച്ചപ്പോള് അയാള് ശാന്തനാവുമെന്നും സന്തുഷ്ടനാവുമെന്നും കരുതി. എന്നാലയാളുടെ കമന്റുകളുടെ സൂചന സംതൃപ്തിയുടേതല്ലായിരുന്നു. സന്തോഷത്തിന്റെതല്ലായിരുന്നു. കുറ്റപ്പെടുത്തലിന്റേതായിരുന്നു. അയാളോട് പരസ്യമായി ക്ഷമ പറയണം എന്നൊരാവശ്യവും അയാളുന്നയിച്ചിരുന്നു. ശാന്തിവിചാരം എന്നതിനോട് സാമ്യമുള്ള പാര ബ്ലോഗ് വരെ അയാള് തുടങ്ങിയിരുന്നു.

ഒരധ്യാപകന് ചേര്ന്നതാണോ ഇതൊക്കെ? ഇതൊക്കെ കാണുമ്പോള് അധ്യാപകവധം എന്നപേരിലൊരു ബ്ലോഗ് പരമ്പര തന്നെ തുടങ്ങിയാലെന്താ.. എന്ന് തോന്നിപ്പോവുന്നു. . പക്ഷെ അങ്ങനെ തോന്നിയതുപോലെ ഒന്നും ഞാന് ചെയ്യാറില്ല. അനിവാര്യമെന്ന് വന്നാലേ ശാന്തിക്കാര് പ്രതികരിക്കാറുള്ളൂ.
----------------------------------------------------------------------------------
ഇനി മറ്റൊരു കാര്യം

പോസിറ്റീവാണ്. ടെംപിള് ഓഫ് ലറ്റേഴ്സ് അഥവാ അക്ഷരക്ഷേത്രം ശില്പനിര്മാണം അതിന്റെ അവസാനഘട്ടത്തിലെത്തിയിരിക്കുന്നു. പേപ്പറിലാണ് ഇത് വൃത്തശ്രീകോവില് ആയി  ത്രിമാന മാതൃക ചെയ്തിരിക്കുന്നത്. As a portable temple, Desktop temple.  ഇനി ചില്ലറ മിനുക്കുപണികള് മാത്രമാണ് അവശേഷിക്കുന്നത്. ഇതിന്റെ ഒരു ഡിമോ ഒരുമാസം മുമ്പ് കവിയൂരിലും അതിന് തൊട്ടടുത്ത ദിവസം പനച്ചിക്കാട് സരസ്വതീക്ഷേത്ര സന്നിധിയിലും നടന്നു. അടുത്ത ഡിമോ നടക്കാനിടയുള്ള സ്ഥലം ഷൊര്ണൂരാണ്. സെപ്തംബര് 22 ന്. ഉച്ചയ്ക്ക് ശേഷം അവിടെ ഒരു ശിവക്ഷേത്രമാണ് അവതരണവേദി. ഒരു ഫേസ്ബുക്ക് ഗ്രൂപ്പാണ് അതിന്റെ സംഘാടകര്. 

ഇന്നത്തെ ദിവസം ആലയം എന്ന അക്ഷര ക്ഷേത്രത്തെ സംബന്ധിച്ചിടത്തോളം പ്രാധാന്യം ഉള്ളതാണ്. അതായത് വര്ഷങ്ങള്ക്ക് മുമ്പ് ഒരു ഉത്രാട ദിവസമായിരുന്നു. ആലയത്തിന്റെ രേഖാചിത്രം വിവിധവര്ണങ്ങളില് ഞാന് വരച്ചതും അതോടനുബന്ധിച്ച് ഒരു ഡോക്യുമെന്ററി ശ്ലോകം എഴുതി പ്രസിദ്ധീകരിച്ചു തുടങ്ങിയതും. പാസ്പോര്ട്ട് സൈസിലുള്ള ഒരു നോട്ടീസ് രൂപം എന്തോ നേരമ്പോക്കാവുമെന്ന് മാത്രമേ സ്വീകര്ത്താക്കള്ക്ക് കരുതാനായുള്ളൂ. സംഗ്രഹിച്ചു പറയാനല്ലാതെ വിശകലനം ചെയ്യാന് എനിക്കും എളുപ്പമായിരുന്നില്ല. സംഗ്രഹണകലയോടായിരുന്നു എനിക്ക് ആഭിമുഖ്യം. വസ്തുതകളെ ഏറ്റവും കുറഞ്ഞ വാക്കുകളില് അവതരിപ്പിക്കാനുള്ള ശ്രമങ്ങളുടെ ഫലമാണ് ഡോക്യുമെന്ററി കവിതകളും ശ്ലോകങ്ങളും.

ആലയം എന്ന സാഹിത്യരചനാലയത്തിന്റെ നോട്ടീസ് ക്ഷേത്രങ്ങളിലൂടെ 1994ല് വിതരണം ചെയ്തത് ഈ വിധം അച്ചടിച്ചായിരുന്നു. എന്തോ ഒരു കൌതുകവസ്തു എന്നതില് കവിഞ്ഞ പ്രാധാന്യം അതിനുള്ളതായി ആരും കരുതിയില്ല. ഉള്ളതില് കവിഞ്ഞ പ്രാധാന്യം വേണമെന്ന് ഞാനും ആഗ്രഹിച്ചില്ല. ആത്മീയപ്രസ്ഥാനങ്ങളെപ്പറ്റി പറഞ്ഞാല് മനസ്സിലാക്കാന് താല്പര്യമുള്ളവരെ അമ്പലങ്ങളില് കിട്ടുമോ.. കൊള്ളാം.. എന്തായാലും ഈശ്വരാദ്ധ്യക്ഷതയില് അത് വളര്ന്ന് ഇന്ന് അക്ഷരങ്ങളുടെ ക്ഷേത്രമായി പരിണമിച്ചിരിക്കുന്നു. അതിന്റെ paper proof ആണ് ഇപ്പോള് പണി പൂര്ത്തിയാക്കിയിട്ടുള്ളത്. For more See TOL from the menu Others